မှိုမဟုတ်တဲ့ မှိုနားတိုပင်က အာဟာရပြည့်စေသလို ကိုယ်ခံအားကောင်းစေတယ်လို့ ရှေးယခင်ကာလတွေ ကတည်းက လက်ခံကျင့်သုံးလာခဲ့ကြတာပါ။ မှိုနားတိုပင်ရဲ့ ကျန်းမာရေးကောင်းကျိုးတွေကို သိရှိရအောင် ပြောပြပေးသွားမယ်နော်။
မှိုနားတိုပင် ဆိုတာ
မှိုနားတိုပင် ဆိုတာက မြန်မာနိုင်ငံက စိုစွတ်တဲ့ဒေသတွေ၊ မြစ်ချောင်းစပ်တွေ၊၊ လယ်ကန်သင်းစတ့နေရာတွေမှာ သဘာဝအတိုင်း ပေါက်ရောက်တဲ့ အပင်ငယ်တစ်မျိုးပါ။ ရိုးတံက ငွေရောင်ဖျော့ဖျော့ရှိပြီး နူးညံ့တဲ့ အမြစ်မွှားတွေ ရှိပါတယ်။ ရိုးတံမျှင်မျှင်လေးထိပ်မှာတော့ အရွက် လေးရွက်ဆိုင်ပြီး ထွက်တတ်ပါတယ်။
မှိုနားတိုပင်မှာ ပါဝင်နေတဲ့ အာဟာရဓာတ်များ
မှိုနားတိုပင်မှာ ဗီတာမင်တွေ အနေနဲ့ ဗီတာမင် K၊ ဗီတာမင် Bအုပ်စု၊ ဗီတာမင် Cတို့ ပါဝင်နေပါတယ်။ ပရိုတင်းဓာတ် ကြွယ်ဝစွာ ပါဝင်နေပြီး ကစီဓာတ်လည်း ပါဝင်ပါတယ်။ ကယ်လ်လိုရီပါဝင်မှုနှုန်း နည်းပြီး ဓာတ်တိုးဆန့်ကျင်ပစ္စည်း ကြွယ်ဝစွာ ပါဝင်နေပါတယ်။ ကယ်လ်ဆီယမ်၊ ပိုတက်ဆီယမ်၊ သံဓာတ်တို့လိုမျိုး သတ္တုဓာတ်၊ အမျှင်ဓာတ်တွေလည်း ကြွယ်ဝစွာ ပါဝင်နေပါတယ်။
မှိုနားတိုပင်ရဲ့ ဆေးဖက်ဝင်ပုံ
ရာသီစာ မှိုနားတိုက အာဟာရဓာတ် ကြွယ်ဝသလို ကျန်းမာစေဖို့ အခုလို ထောက်ကူပေးပါတယ်။
- ကိုယ်ခံအားကောင်းစေတယ်
- နှလုံးကျန်းမာစေတယ်
- သွေးပေါင်ချိန် ထိန်းညှိပေးတယ်
- အရေပြားကျန်းမာစေတယ်
- အိပ်ပျော်စေတယ်
- ခြေကုန်လက်ပမ်းကျတာကို သက်သာစေတယ်
- ချောင်းဆိုးပျောက်စေတယ်
- ဆီးရွှင်စေတယ်
- ဝမ်းမှန်စေတယ်
- သွေးဆုံးအကြိုလက္ခဏာတွေကို သက်သာစေတယ်
- အရိုးသိပ်သည်းဆ ကောင်းစေတယ်
- ဆီးချိုဖြစ်နိုင်ခြေကို လျှော့ချပေးတယ်
- သွေးတွင်းသကြားဓာတ် ထိန်းညှိပေးတယ်
- ကိုယ်အပူချိန်လျှော့ချပေးတယ်
- ဦးနှောက်ကျန်းမာစေတယ်
- အရောင်ကျစေတယ်
- အဆစ်တွေနာကျင်ကိုက်ခဲတာကို သက်သာစေတယ်
- အတက်ရောဂါ သက်သာစေတယ်
- အရောင်ကျစေတယ်
- သွေးအားကောင်းစေတယ်။
ဘယ်လိုပြင်ဆင်အသုံးပြုမလဲ!
မှိုနားတိုပင်ကို ရေစင်အောင်ဆေးပြီး တို့စရာအနေနဲ့ စားတာ၊ ချဉ်ရည်ချက်စားတာ၊ ရေနွေးဖျောပြီး သုပ်စားတာမျိုး စားလို့ ရပါတယ်။ ကြော်ချက်ချက်စားတာမျိုးလည်း ရပါတယ်။ အရွက်ကြိတ်ရည်ကို အသုံးပြုပေးတာမျိုးလည်း ရပါတယ်။ အရွက်ကို အနှစ်ကြိတ်ပြီး အရေပြားနဲ့ အဆစ်တွေနေရာမှာ တိုက်ရိုက် သုံးတာမျိုးလည်း ရပါတယ်။
ရာသီချိန်ခါအလိုက် သဘာဝတရားက ကျန်းမာရေးအတွက် လက်ဆောင်ကောင်းလေးတွေအနေနဲ့ ပေးတဲ့ ဆေးဖက်ဝင် သဘာဝအပင်လေးတွေကို အသုံးပြုပြီး ကျန်းမာတဲ့ ဘဝကို ပိုင်ဆိုင်နိုင်ကြပါစေကြောင်း ….
# Disclaimer
ဆေးဖက်ဝင်အပင်တွေက သဘာဝပေါက်ပင်တွေဆိုပေမယ့် တန်ဆေးလွန်ဘေးဖြစ်တတ်တာကြောင့် သတိထားသုံးစွဲဖို့ လိုသလို ရောဂါအခံတစ်ခုခု ရှိနေမယ်။ ကျန်းမာရေး အခြေအနေ တစ်ရပ်ရပ် ခံစားနေရမယ်ဆိုရင် တတ်ကျွမ်းနားလည်သူနဲ့ သေချာတိုင်ပင်ပြီးမှ အသုံးပြုဖို့ အကြံပြုပါရစေ။
